Baldragon Poem

Mark Thomson, a Dundee Poet who has come to the school on many occasions to work with the pupils and perform some of his own work, has written a poem about Baldragon which was performed at the summer concert..

"Baldragon"

Eh hid thi pleasure o meetin
Mr McGarry
in Dundee an no on
safari.
But on thi hilltoon
oot o a places
we met faces

Telt me that ei wiz a teacher
at Baldragon heh,
ei asked me if eh wid cum in
an wurk we thi kids

So eh said eh.

So this Dundee man
waltz inta thi Inglish class
so we gave poerty
a bash an a blast

Mr Forrest, tweeked an twitched
as if ei hid an itch,
Miss souter telt ir queerest stories
lives jist ootside Fintry
an far fae oary

Thi spell wiz cast afore thi very
ehes o thi class.

Bra so it wiz
an hats aff ti thi kids.

Well me bein an Ardler Beg-oi
jist up thi road fae Kirkton,
ken, on thi border line
o upper Downfield
ken, whar thir well healed?

Pure dead teckle man?
 

Eh think its pure dingys man!
 

Ah buddie kens whar thi bounderies leh
thi've been there fae thi place
wiz built,
ower time
thi've began
ti tilt.

Now wir in a new era
whar politically correctness
is essential
in order ti meet
yir potential.

It dizza metter whar yir fae
its mare important
whut yiv gotta say.

Reagardless  o yir class   an backgroond
or whar iver yi live in thi toon.

So eh wid jist like ti thank
bein here on this day
ti celibrate Baldragons
10 th annivesary.

Cheers goodnite
an go happy on yir way
an thanks fir listenin
ti ah thi nonsence
that eh've hid ti say

Its ah true
by thi way.

Cheers 

 Mark Thomson 2008